Oblystyq Nartaı Bekejanov atyndaǵy qazaq mýzykalyq drama teatry Edınbýrg qalasynda ótetin «Frındj» halyqaralyq óner festıvaline qazaqtyń halyq jazýshysy Ǵabıt Músirepovtiń «Qozy Kórpesh-Baıan Sulý» lıro-epostyq dramasynyń jelisi boıynsha sahnalanǵan «Aqbaıan» spektaklimen qatysady.
Álemdegi eń joǵary deńgeıde ótetin óner festıvalderiniń biri «Frındj» («Fringe») festıvali 1947 jyldan bastap jyl saıyn tamyz aıynda Shotlandııa elinde ótkizilip keledi. Festıvalge álemniń 50 memleketinen 50000 ónerpazdar qatysady jáne 3000-ǵa jýyq qoıylymdar kórsetiledi.
- Qazaqtyń ulttyq máıegi men mádenı qundylyǵy toǵysqan «Aqbaıan» spektaklimen álem sahnasyna jol tartyp, barsha qazaq óneriniń júgin arqalaǵan Nartaı Bekejanov atyndaǵy qazaq drama teatry úshin bul - úlken tarıhı qubylys jáne mártebeli mindet bolyp tabylady, - dedi teatrdyń kórkemdik jetekshisi, Qazaqstannyń eńbek sińirgen qaıratkeri Ámir-Temir Huseın Júsipuly.
Baqtııar TAIJAN,
«Egemen Qazaqstan»
Qyzylorda oblysy